შალვა ნათელაშვილისა და ლევან ხაბეიშვილისთვის უფლებამოსილების შეწყვეტის საკითხის, საქართველოს პარლამენტის საპროცედურო საკითხთა კომიტეტმა მხარი უკვე დაუჭირა. 2 ოპოზიციონერი დეპუტატისთვის, საბოლოოდ, უფლებამისლების მოხსნის საკითხს კენჭი პლენარულ სხდომაზე, 2 თებერვალს ეყრება. მათ, ამ მოთხოვნით პარლამენტს, პირველებმა მიმართეს.
ბარიერგადალახული ოპოზიციური პარტიების ნაწილი აცხადებს, რომ ქართული ოცნება მანდატების შეწყვეტის პროცესს განგებ აჭიანურებს და ამით საზოგადოებას აჯერებს, რომ ოპოზიციაში საკითხზე აზრთასხვადასხვაობაა. ნაწილი კი თვლის, რომ თუ 48%-იანი ლეგიტიმაციის მქონე ქართული ოცნება, 52%-იანი ლეგიტიმაციის მქონე ოპოზიციას მანდატებს გაუუქმებს, ეს თვითდაზიანება იქნება.
ოპოზიციონერი დეპუტატებისთვის მანდატების შეყვეტის საკითხზე აზრთასხვადასხვაობაა მმართველ გუნდში. სწორედ ამიტომ, არ არის გამორიცხული, რომ საკითხი ღია კენჭისყრაზე გაიტანონ, ჩააგდონ და ოპოზიცია პარლამენტში ფორმალურად დატოვონ. სწორედ ამ გზით შეეცდება მმართველი გუნდი პარლამენტისთვის ლეგიტიმაციის მინიჭებას.
ოპოზიციის პარლამენტში შესვლის იმედს არ კარგავს პარლამენტის თავმჯდომარე. არჩილ თალაკვაძე მოუწოდებს ოპონენტებს გადაწყვეტილებას გადახედონ.
მანდატების შეწყვეტის თაობაზე პარლამენტისთვის ჯერ-ჯერობით არ მიუმართავს პარტია მოქალაქეებს. თვლიან, რომ მმართველ გუნდთან მოლაპარაკების და შეთანხმების მიღწევის შესაძლებლობა ჯერ კიდევ არსებობს.
რაც შეეხება დანარჩენ 49 ოპოზიციონერ დეპუტატს, მათთვის მანდატების შეწყვეტის შესახებ კომიტეტი ხვალ იმსჯელებს. საკითხის მხარდაჭერის შემთხვევაში, საბოლოო კენჭისყრაზე საკითხი კენჭისყრაზე ასევე 2 თებერვალს დადგება.
2
s
s
s