28, იანვარი 2021 17:45:00
ცვლილებები ხელვაჩაურის 2021 წლის ბიუჯეტში. მუნიციპალიტეტის მთავარ ფინანსურ დოკუმენტს 581 ათას 514 ლარი დაემატა. ბიუჯეტი შემოსავლების ხარჯზე გაიზარდა. თანხა, სოფელ ზანაქიძეებში, ხიდის მოწყობას, ასევე სოფელ მირვეთის ცენტრის კეთილმოწყობას და სოფელ წინსვლაში წყლის პრობლემის მოგვარებას მოხმარდება. საკრებულომ, დღევანდელ სხდომაზე წარმომადგენლობითი ორგანოს ახალი წევრის უფლებამოსილება ცნო. ნადიმ ვარშანიძე, ილია სირაბიძემ ჩაანაცვლა. ვარშანიძე ვიდრე უმაღლესი საბჭოს წევრი გახდებოდა, ხელვაჩაურის საკრებულოს თავმჯდომარე იყო.