29, იანვარი 2021 10:11:00
რესტორატორთა ასოციაციის წარმომადგენლის, შოთა ბურჯანაძის ცნობით, 30 იანვარს, საკარანტინო შეზღუდვების და სახელმწიფოს ეკონომიკური პოლიტიკის პროტესტის ნიშნად, 80-მდე რესტორანი მიტანის სერვისს 24 საათით შეაჩერებს. ბურჯანაძე ფორმულასთან აცხადებს, რომ სპეციალურ ბმულზე რეგისტრირებულთა რაოდენობა თანდათანობით იზრდება.
"ვინაიდან ქვეყნის ხელისუფლება არასათანადოდ აფასებს არსებულ პრობლემებს და ნიშნის მოგებით გვახსენებს, რომ გატანის სერვისით შეგვიძლია სარგებლობა, ჩვენ პროტესტის მიზნით, ერთი დღით უარს ვამბობთ გატანის და ონლაინ სერვისებით სარგებლობაზე! 15:00 საათზე ვუერთდებით მშვიდობიან საპროტესტო აქციას სახელმწიფო კანცელარიის წინ. იმედს ვიტოვებთ, რომ მოსახლეობა გაგებით მოეკიდება ჩვენს ნაბიჯს, რაც უკიდურესი სასოწარკვეთილებითაა გამოწვეული", - აცხადებენ პროტესტის მონაწილე რესტორატორების წარმომადგენლები.