პარტია მოქალაქეებმა პარლამენტში შესვლის გადაწყვეტილება მიიღო. ალეკო ელისაშვილმა და ლევან იოსელიანმა "ქართულ ოცნებასთან" საბოლოო შეთანხმებას დღეს მიაღწიეს. უკვე გაფორმებულია მემორანდუმიც. პარლამენტის თავმჯდომარე, დანარჩენ ოპოზიცის კიდევ ერთხელ მოუწოდებს, გადახედონ გადაწყვეტილებას.
შეთანხმება მიღწეულია. სამთვიანი მოლაპარაკებები დასრულდა და პარტია მოქალაქეების ლიდერები: ალეკო ელისაშვილი და ლევან იოსელიანი საქართველოს პარლამენტში შედიან. მათ ხელი შესაბამის დოკუმენტსაც უკვე მოაწერეს. შეთანხმების მიხედვით, მომდევნო საპარლამენტო არჩევნებზე, ცესკო-ს ახალი თავმჯდომარე ეყოლება, კენჭისყრის პროცედურა კი ყველა საარჩევნო უბანზე, ონლაინ გაშუქდება.
პოლიტიკური შეთანხმებას კენჭი საბოლოოდ 1 მაისს უნდა უყარონ. მოქლაქეების ლიდერების თქმით, თუ "ქართული ოცნება" პირობას არ შეასრულებს, ისინი ვადის ამოწურვის შემდეგ პარლამენტს დატოვებენ.
ოპონენტებთან დღეს გაფორმებულ შეთანხმებას მნიშვნელოვან მიღწევად აფასებენ ქართულ ოცნებაში. ირწმუნებიან, რომ საარჩევნო რეფორმისთვის მზად არიან. აქვე, გამოთქვამენ იმედს, რომ პარლამენტში მალე სხვა ოპოზიციური ძალებიც გამოჩნდებიან.
ყოფილი თანამოაზრეების საბოლოო გადაწყვეტილება დანარცენი ოპოზიციისთვის მოულოდნელი არ აღმოჩნდა. ამბობენ, რომ ამ ნაბიჯით პარტიის ლიდერები ქართულ ოცნებაში უკვე ოფიციალურად გაწევრიანდნენ.
მმართველ გუნდთან, კერძოდ, მამუკა მდინარაძესთან შეხვედრას ადასტურებს გირჩის ლიდერი იაგო ხვიჩიაც. შეხვედრის დეტალებს არ ასაჯაროვებს, თუმცა ამბობს, რომ მისთვის მხოლოდ ცალკეული პირობების დაკმაყოფილება პარლამენტში შესვლისთვის საკმარისი პირობა არაა.
ვინ შევა და ვინ არა პარლამენტში დანარჩენი ოპოზიციიიდან, გადაწყვეტილების მისაღებად სულ რამდენიმე დღე რჩებათ, რადგან, 51 ოპოზიციონერ დეპუტატს, პარლამენტი უფლებამოსილებას თებერვლის დასაწყისში ოფიციალურად შეუწყვეტს.
3
s
s
s