01, თებერვალი 2021 15:08:00
დღეს, TV25.GE-ს რამდენიმე მშობელი დაუკავშირდა. მშობლებმა ქობულეთის N3 საჯარო სკოლაში მომხდარი ინციდენტის შესახებ მოგვაწოდეს ინფორმაცია. მათი თქმით, დაწესებულების დირექტორმა ბავშვების მიერ ნაჩუქარი ყვავილები ფანჯრიდან გადაყარა. ფაქტს ადასტურებენ მოსწავლეეებიც.
სკოლის დირექტორი გვარწმუნებს, რომ ყვავილები ფანჯრიდან მას არ გადაუყრია. ნანა სიხარულიძის თქმით, მშობლებს შენობაში თაიგულების შეტანა აუკრძალა, თუმცა რამდენიმე მათგანმა მითითება არ გაითვალისწინა.
"მშობლებს განვუმარტე, რომ კორონავირუსის პანდემიის პირობებში სკოლაში ყვავილების შეტანა აკრძალულია, მაგრამ რამდენიმე მშობელმა ჩუმად მაინც აჩუქა პედაგოგს თაიგული. მე ხელი არ მიხლია დამლაგებელს ვთხოვე გარეთ გაეტანა და სკამზე დაელაგებინა" - ამბობს ნანა სიხარულიძე.
ინტერვიუს დასრულების შემდეგ ნანა სიხარულიძე ისევ დაგვიკავშირდა და გვითხრა, რომ ყვავილები ძირს შესაძლოა, განაწყენებულმა მშობლებმა დაყარეს.