02, თებერვალი 2021 18:45:00
ოპოზიციონერი დეპუტატებისთვის მანდატების შეჩერების საკითხს, აჭარის უმაღლესი საბჭო, კენჭისყრაზე, საგაზაფხულო სესიაზე დააყენებს. იგი ორ მარტს გაიხსნება. კენჭისყრისთვის კონკრეტულ თარიღს კი სესიის გახსნიდან, რვა სამუშაო დღის ვადაში დააზუსტებენ. ოპოზიციაში აცხადებენ, რომ პოზიციის შეცვლას არ აპირებენ და მანდატებზე უარს იმ დრომდე იტყვიან, ვიდრე რიგგარეშე არჩევნები არ ჩაინიშნება. ამბობენ, რომ მიზნისთვის, ქუჩიდან იბრძოლებენ. აჭარაში, 31 ოქტომბრის კენჭისყრისას, 5%-ნი ბარიერი, ოფიციალური მონაცემებით, მხოლოდ ერთმა ოპოზიციურმა პარტიამ "ერთიანმა ნაციონალურმა მოძრაობამ" გადალახა. პარტიას, დღეისათვის, 21 კაციან უმაღლეს საბჭოში რვა მანდატი აქვს.
5
s
s
s