ვაქცინაციის დაწყების გარეშე ირაკლი ღარიბაშვილმა კორონავირუსის პრევენციისთვის დაწესებული შეზღუდვების დაახლოებით 80 % მოხსნა. თუმცა ძალაში დარჩა საღამოს 21 საათიდან დილის 5 საათამდე გადაადგილების აკრძალვა. პრემიერმა კომენდანტის საათის აუცილებლობა არ დაასაბუთა. გადაწყვეტილებები, დღეს უწყებათაშორისი, საკოორდინაციო საბჭოს სხდომაზე იქნა მიღებული. შემამსუბუქებელი ღონისძიებების ჩამონათვალი ვნახოთ სიუჟეტში.
საქართველოში, კორონავირუსის პრევენციის მიზნით დაწესებული შეზღუდვების ნაწილი ისევ იხსნება. გადაწყვეტილება, დღეს უწყებათაშორისი, საკოორდინაციო საბჭოს სხდომაზე იქნა მიღებული. შემამსუბუქებელი ღონისძიებების ჩამონათვალი ასეთია:
სამთო კურორტები, გახსნას ხვალიდან შეძლებენ. არსებული საბაგიროები კი 8 მარტიდან გაიხსნება.
შეზღუდვები იხსნება მგზავრთა საქალაქთაშორისო გადაყვანებზეც. ტრანსპორტი ხვალიდან ამოქმედდება.
პირველი მარტიდან, ბათუმში, რესტორნების შიდა სივრცეებიც გაიხსნება. დანარჩენ საქართველოში კი იგი ნებადართული 8 მარტიდან გახდება. შეზღუდვა, ისევ ძალაში ქინება შაბათ-კვირას.
ძალაში რჩება გადაადგილების აკრძალვა საღამოს ცხრა საათიდან, დილის ხუთ საათამდე.
15 მარტიდან მიეცემათ გახსნის უფლება სპორტულ დარბაზებს.
როგორც საჯარო, ისე კერძო სკოლამდელი აღზრდის დაწესებულებები, ფუნქციონირებას პირველი მარტიდან აღადგენენ. მათ, ორ კვირაში ერთხელ, თანამშრომლების 20 %-ის სავალდებულო ტესტირება მოეთხოვებათ. სასკოლო წრეები კი 15 მარტიდან განახლდება.
პირველი მარტიდან, არადისტანციურ ფორმატში შეძლებენ საქმიანობის განხორციელებას უმაღლესი და პროფესიული სასწავლებლები. ჩვეულებისამებრ მოხდება კლინიკური, პრაქტიკული, ლაბორატორიული საქმიანობის წარმოება, ასევე გამოცდების ჩატარება. სასწავლო პროცესი კი აუდიტორიებში 15 მარტიდან აღდგება.
პირველი მარტიდან განახლდება კონფერენციებისა და ტრენინგების ორგანიზება, გაიხსნება მუზეუმები და ბიბლიოთეკები, ხოლო თეატრები, სპორტული კლუბები და პროფესიული ანსამბლები რეპეტიციების და ვარჯიშის განახლებას 15 მარტიდან შეძლებენ. მაყურებლის დასწრებით, თეატრალური წარმოდგენები და სპორტული შეჯიბრებები კი ნებადართული პირველი აპრილიდან გახდება.
არასასურსათო, საცალო ვაჭრობა, შაბათ-კვირის ჩათვლით, როგორც სავაჭრო მოლებში, ისე ბაზრობებზე, რვა მარტიდან დაიშვება.
საკოორდინაციო საბჭოზე მიღებული გადაწყვეტილებით, გაიზარდრა იმ ქვეყნების ჩამონათვალი, საიდანაც, საჰაერო საზღვრით, პსრ ტესტის საფუძველზე, ქვეყანაში შემოსვლა გახდება შესაძლებელი. ეს ქვეყნებია: სომხეთი, აზერბაიჯანი, უკრაინა, ყაზახეთი, რუსეთი, ბელარუსი. შემსუბუქება, პირველი მარტიდან შედის ძალაში. სახმელეთო საზღვრებზე, ამ ეტაპზე ისევ ნარჩუნდება დღეს მოქმედი რეჟიმი.
6
s
s
s