02, მარტი 2021 17:30:00
პრეზიდენტის რეზიდენციაში გამართული შეხვედრის შემდეგ, შარლ მიშელი იმედოვნებს, რომ დიალოგი გაგრძელდება და მხარეებს პროგრესი ექნებათ. მან ასევე აღნიშნა, რომ 2 კვირაში, ბრიუსელში საქართველოსთან ასოცირების საბჭოს სხდომაზე, სადაც განიხილება საკითხები, თუ რას მიაღწია საქართველომ ბოლო წლებში, გზავნილი მოქალაქეების ინტერესების დაცვა იქნება. ევროპული საბჭოს პრეზიდენტი დარწმუნებულია, რომ შეხვერა, რომელიც გუშინ, მისი მედიაციით შედგა, ოპოზიციასა და ხელისუფლებას, დიალოგის ახალ ეტაპზე გადაიყვანს. "როდესაც ვკითხე მონაწილეებს, აქვთ თუ არა ნება, გაძლიერდეს დიალოგი, პასუხი იყო "დიახ". ეს მნიშვნელოვანია, რადგან ევროპასთან ურთიერთობის გაღრმავების გასაღები ამ პოლიტიკური კრიზისის მოგვარებაა" - აღნიშნა მან გამგზავრების წინ.