09, მარტი 2021 16:35:00
თითქმის ერთწლიანი პაუზის შემდეგ, ბათუმის სახელმწიფო საზღვაო აკადემიაში, სასწავლო პროცესი, დღეს, განახლდა. უნივერსიტეტმა სწავლების შერეული ფორმა აირჩია. სტუდენტები თეორულ ლექციებს ონლაინ რეჟიმში დაესწრებიან, ხოლო პრაქტიკული მეცადინეობები აუდიტორიებში ჩატარდება. სწავლების იგივე ფორმა აირჩია ბათუმის სახელმწიფო უნივერსიტეტმაც. ბსუ-ში სასწავლო პროცესი 15 მარტიდან აღდგება. რაც შეეხება ბათუმის ხელოვნების უნივერსიტეტს, სწავლა აქაც შერეული პრინციპით, 1 მარტს დაიწყო.