რის მიღწევას ცდილობს პროკურატურა ? 3 დღიანი დუმილის შემდეგ ხელისუფლების უცვლელი რიტორიკის ფონზე შოთაძის უწყება ჟურნალისტების წიინააღმდეგ მიზანმიმართულ კამპანიას იწყებს. ანუ, სახლემწიფოს ახლა სურს, შემქნას წარმოდგენა, რომ ჩანაწერები ძველია და თან დამონტაჟებული. ამას კი ის მოწმობს, რომ ოლიგარქის შვილსა და პრემიერ-მინისტრს შორის შემდგარ სკანდალურ ვიდეოჩანაწერზე გამოძიება არა დევნის და შანტაჟის მუხლით , არამედ მისი მოპოვებისა და გავრცელების საქმეზე იწყება.
მთავარმა საგამოძიებო ორგანომ, ძიება არა ჩანაწერებში არსებულ სავარაუდო დანაშაულზე, არამედ მისი მოპოვებისა და გავრცელების საქმეზე დაიწყო. უწყების მიერ დღეს გავრცელებულ სპეციალურ განცხადებაში ნათქვამია, რომ ჩანაწერის ავთენტურობის დასადგენად გამოძიების პროცესში ყველა საჭირო ექსპერტიზა ჩატარდება.
შოთაძის უწყების მიერ, დღეს, დაწყებულ გამოძიებას წინ მმართველი გუნდის ის განცხადებები უძღოდა, რომლებშიც ოცნების წევრები ხელს წინა ხელისუფლებისკენ იშვერდნენ. „ქართული ოცნების“ წევრებმა რიტორიკა არც დღეს შეიცვალეს, თუმცა გამოძიების კვალიფიკაზიაზე საუბარი აღარ ისურვეს.
დღეს, დაანონსებულ გამოძიებაში, არაფერია ნათქვამი ჩანაწერის იმ ნაწილზე, სადაც ბერა ივანიშვილი, ირაკლი ღარიბაშვილი და ანზორ ჩუბინიძე ადამიანების შანტაჟსა და დევნაზე ღიად საუბრობენ. ოპოზიციის შეფასებით, „ქართული ოცნების“ მიერ მართული პროკურატურა, ცდილობს შექმნას წარმოდგენა, რომ ჩანაწერები ძველია და თან დამონტაჟებული.
პროკურატურის მიერ დაწყებული გამოძიებისადმი ნდობა არ აქვთ იმ პარტიებსაც, რომლებმაც საპარლამენტო ბოიკოტი შეწყვიტეს და პარლამენტში შევიდნენ. პარტია მოქალაქეების ლიდერებმა საგამოძიებო კომისიიის შექმნა მოითხოვეს და დახმარების თხოვნით ოპოზიციურ პარტიებს მიმართეს.
სკანდალური აუდიოჩანაწერის გავრცელებიდან 3 დღის შემდეგ, საუბრის ერთ-ერთი მთავარი ფიგურანტი, ირაკლი ღარიბაშვილი, ისევ დუმს. ქვეყნის პრემიერი არც მედიასთან ჩნდება და არც წერილობით განცხადებას ავრცელებს.
1
s
s
s