15, მარტი 2021 17:28:00
მონობის თანამედროვე პირობები წლების განმავლობაში. სამართალდამცველებმა ტრეფიკინგის ფაქტზე მამა-შვილი დააკავეს. გაირკვა, რომ საქონლის ფერმაში, ანაზღაურების გარეშე, მუქარითა და იძულებით, სომხეთის სამ მოქალაქეს ამუშავებდნენ. ბრალდებულებმა, ისინი საქართველოში, მოტყუებით გადმოიყვანეს და პირადობის დამადასტურებელი დოკუმენტაცია წაართვეს. ისინი, უკანონოდ დატყვევებულ ადამიანებს გადაადგილებას უზღუდავდნენ და სათვალთვალო კამერების საშუალებით აკონტროლებდნენ. შინაგან საქმეთა სამინისტროს ცნობით, გამოძიება სისხლის სამართლის კოდექსის 143-ე მუხლით მიმდინარეობს, რაც, 12-დან 15 წლამდე ვადით თავისუფლების აღკვეთას ითვალისწინებს.