17, მარტი 2021 17:15:00
სკოლებში სახელოვნებო წრეები და სპორტული კლუბები განახლდა. საგაზაფხულო არდადეგებიდან დაბრუნებული მოსწავლეები სხვადასხვა არაფორმალურ აქტივობაში ჩაერთვებიან. საქართველოს განათლების სამინისტროს ინფორმაციით, ინფექციის გავრცელების რისკის შესამცირებლად, არდადეგებიდან დაბრუნებულ მოზარდებს, Covid-ტესტირება ჩაუტარდათ. ამასთან, უწყების ცნობითვე, სკოლები ჰიგიენური რესურსებისა და დამცავი საშუალებების მარაგით უზრუნველყოფილია.