19, მარტი 2021 17:18:00
შინაგან საქმეთა სამინისტროს სასაზღვრო პოლიციის სანაპირო დაცვისა და ნატოს ხომალდებმა, შავ ზღვაში, ერთობლივი წვრთნები ჩაატარეს. სწავლება ალიანსის მუდმივმოქმედი მეორე საზღვაო შენაერთის საპორტო ვიზიტის ფარგლებში განხორციელდა. სამინისტროს ინფორმაციით, პანდემიის ფონზე, ჩრდილო-ატლანტიკური ალიანსის შენაერთის ვიზიტი, ქვეყნისადმი მკაფიო მხარდაჭერის გზავნილია. ნატოს საზღვაო შენაერთის საქართველოს პორტებში რეგულარული სტუმრობა, შავი ზღვის უსაფრთხოების განმტკიცების კუთხით, ნატო-საქართველოს თანამშრომლობის შედეგია.