23, მარტი 2021 17:40:00
„იმისთვის, რომ კორონავირუსის მესამე ტალღის რისკი თავიდან ავიცილოთ, პირბადის გამოყენება და სოციალური დისტანცირება კვლავ პირველ წესად რჩება.“- ამის შესახებ, ჯანდაცვის მინისტრის პირველმა მოადგილემ განაცხადა. უწყებათაშორისი საკოორდინაციო საბჭოს სხდომის დასრულების შემდეგ, თამარ გაბუნიამ ისიც თქვა, რომ ვაქცინაციისადმი ნდობის აღსადგენად დიდი ძალისხმევა იქნება საჭირო. მისივე განმარტებით, ვაქცინაციასთან დაკავშირებით საინფორმაციო კამპანია აუცილებელია. ამით ის NDI -ის კვლევას გამოეხმაურა, რომლის თანახმად, გამოკითხულთა 53 პროცენტი კორონავირუსის საწინააღმდეგო ვაქცინას არ გაიკეთებს.