24, მარტი 2021 16:48:00
24 მარტი ტუბერკულოზთან ბრძოლის საერთაშორისო დღეა. თარიღთან დაკავშირებით, აჭარის საზოგადოებრივი ჯანდაცვის ცენტრმა და საქართველოს წითელმა ჯვარმა, მოსახლეობასთან საინფორმაციო შეხვედრა გამართეს. ტუბერკულოზი ინფექციური დაავადებაა, რომლის დამარცხება სწორი მკურნალობით შესაძლებელია. მიუხედავად ამისა, იგი დღემდე რჩება ინფექციური დაავადებებით სიკვდილიანობის ერთ-ერთ მიზეზად. თარიღი, 1982 წლიდან, ჯანმრთელობის მსოფლიო ორგანიზაციის ინიციატივით აღინიშნება.