25, მარტი 2021 10:53:00
დილიდან, მედიაში აჭარის მთავრობის თავჯდომარის შესაძლო გადადგომის შესახებ ინფორმაცია ვრცელდება. "ნაციონალური მოძრაობის" წევრის მტკიცებით, მას "ქართული ოცნების" წარმომადგენლებისგან აქვს ინფორმაცია, რომ თორნიკე რიჟვაძე გადადგება.
"ჩემი ინფორმაციით, თორნიკე რიჟვაძე დღეს აპირებს გადადგომას", - ამბობს ნოდარ დუმბაძე.
აჭარის მთავრობის საზოგადოებასთან ურთიერთობის სამსახურში გვითხრეს, რომ თორნიკე რიჟვაძე სამსახურშია და გადადგომას არ აპირებს. პრესსამსახურში განმარტეს, რომ საკითხზე რიჟვაძე დღეს, მედიასთან კომენტარს გააკეთებს.
მიუხედავად იმისა, რომ თორნიკე რიჟვაძემ ჩვენი შეტყობინება ნახა, TV25.GE-ს კითხვები უპასუხოდ დატოვა.