25, მარტი 2021 14:41:00
დაავადებათა კონტროლის ეროვნული ცენტრის ხელმძღვანელის ამირან გამყრელიძის განმარტებით, Pfizer-ით აცრის შემთხვევაში იმ პირებს, რომლებსაც "ფილერები" აქვთ გაკეთებული, შესაძლოა ადგილობრივი ანაფილაქსიური გართულებები ჰქონდეთ.
„აცრის დროს პრევენციული ღონისძიება „ჩექლისტია“, სადაც დაახლოებით 12 კითხვაა, რომელსაც ექიმები ეკითხებიან და თუ კითხვაზე პასუხია „დიახ“, ექიმი იღებს ეჭვს, რომ პაციენტი შეიძლება იმ პერიოდში არ იყოს აცრილი და გადაამისამართებს მას დამატებითი გამოკვლევებისთვის შესაბამის სპეციალისტთან. Pfizer-ს ახასიათებს გარკვეული ადგილობრივი და არა სისტემური ანაფილაქსიური გართულებები იმ ადამიანებში, ვინც ფილერებს ხმარობს, როდესაც ჰიალურონი და სხვადასხვა ნივთიერებები შეჰყავთ. ამიტომ Pfizer-ით აცრის შემთხვევაში CDC-ის გაიდლაინში დაემატა კითხვა, იმიტომ, რომ ვისაც ფილერები ხშირად აქვს გაკეთებული Pfizer-ით იმუნიზაციის შემდეგ შეიძლება ჰქონდეთ ადგილობრივი გართულებები, რომლებიც საჭიროებს მკურნალობას“, - განაცხადა გამყრელიძემ.