19, აპრილი 2021 17:16:00
ბათუმში, ბაგრატიონის ქუჩის რეაბილიტაცია დაიწყო. პროექტის ფარგლებში არსებული ბეტონის ფილების ასფალტის საფარით შეცვლა იგეგმება. ბათუმის მერიის ინფორმაციით, განხორციელდება სანიაღვრე არხისა და ჭების მონტაჟიც. გზაგამყოფზე მწვანე საფარი და მოაჯირები მოეწყობა. მიმდინარე სამუშაოების გამო, ბაგრატიონის ქუჩა ეტაპობრივად გადაიკეტება. პროექტისთვის 9 მილიონამდე ლარია გამოყოფილი. სარეაბილიტაციო სამუშაოები 15 თვის ვადაში დასრულდება.