22, აპრილი 2021 18:17:00
„პარტნიორობა ადამიანის უფლებებისთვის“, 14 წლის ნინი ცეცხლაძის უფლებამონაცვლის ინტერესებს აღარ დაიცავს. მიზეზი, გარდაცვლილი გოგოს დის გადაწყვეტილება გახდა, რომელმაც სისხლის სამართლის საქმეზე, ადვოკატის ჩამოშორება მოითხოვა. შესაბამისი განცხადება ორგანიზაციამ გაავრცელა. მათი ინფომრაციით, იურისტების ჩართვის შემდეგ ორგანიზაციამ არაერთი მნიშვნელოვანი დარღვევა აღმოაჩინა და შესაბამისი რეაგირება განახორციელა. მესამე სექტორის პოზიციით, აღნიშნული საქმე ნათელი მაგალითია იმისა, რომ საქართველოში ბავშვთა დაცვის სისტემა სუსტია. PHR-ი მიუთითებს არსებით, სისტემურ პრობლემებზე, რისი აღმოფხვრაც მხოლოდ სრულყოფილი რეფორმის გზით შეიძლება.