22, აპრილი 2021 17:04:00
სადეპუტატო მანდატების შეწყვეტის საქმეზე, ზურა გირჩი ჯაფარიძის, თამარ კორძაიასა და ელენე ხოშტარიას სარჩელების განხილვა მაისის თვეში გადაიდო. პლენუმის გადაწყვეტილებით, არსებითი განხილვა არაუადრეს 14 დღისა უნდა გაიმართოს, კონკრეტულ თარიღს კი, საორგანიზაციო დეპარტამენტი დაადგენს. განხილვის 2-კვირით გადადების შუამდგომლობა თამარ კორძაიას წარმომადგენელმა დააყენა. საბა ცაგარეიშვილის განმარტებით, რწმუნებულება გუშინ მიიღო და დროის სიმცირის გამო, საქმის მასალების გაცნობა ვერ მოასწრო. თავად ზურაბ ჯაფარიძე და ელენე ხოშტარიას წარმომადგენელი კი სხდომის ჩატარებას მხარს უჭერდნენ. ცნობისთვის, დავის საგანი ოპოზიციონერი დეპუტატებისთვის, პარლამენტის წევრის უფლებამოსილების ვადამდე შეწყვეტის თაობაზე პარლამენტის დადგენილების კონსტიტუციურობაა.