23, აპრილი 2021 12:01:00
ხელვაჩაურის ახალგაზრდობის ცენტრი, ინგლისური ენის შემსწავლელი კლუბის ფარგლებში, ორგანიზებას უწევს ესსების კონკურსს ინგლისურ ენაზე.
კონკურსში მონაწილეობას მიიღებენ ხელვაჩაურის მუნიციპალიტეტში მცხოვრები ან/და ხელვაჩაურის მუნიციპალიტეტში მდებარე საჯარო სკოლის მოსწავლე- აბიტურიენტები.
ესსე სახელწოდებით- ,,ჩემი რჩეული პროფესია", კონკურსის მონაწილეებმა უნდა გააგზავნონ ხელვაჩაურის ახალგაზრდობის ცენტრის ელექტრონულ ფოსტაზე: Khelvachauriyouthcenter@gmail.com.
ესსე უნდა შედგებოდეს არანაკლებ 150 სიტყვისგან, უნდა პასუხობდეს სათაურით გათვალისწინებულ შინაარსს, უნდა იყოს გრამატიკულად გამართული და უნდა ეკუთვნოდეს ესსეს ავტორს. პლაგიატის ან ინტერნეტრესურსის გამოყენების შემეთხვევაში ნაშრომი არ განიხილება.
კონკურსის ფარგლებში, ესსების გადარჩევისას მეტი ობიექტურობის დაცვის მიზნით, ხელვაჩაურის ახალგაზრდობის ცენტრის მიერ მოწვეულია ბათუმის საზღვაო აკადემიის უცხო ენათა დეპარტამენტის ასოცირებული პროფესორი თამარ დოლიძე.
საპრიზო ადგილებზე (I, II) გასული ახალგაზრდები დასაჩუქრდებიან ფასიანი საჩუქრებით.
ესსეების წარმოდგენის ბოლო ვადაა 2021 წლის 30 აპრილი.