23, აპრილი 2021 13:10:00
აჭარის ავტონომიური რესპუბლიკის განათლების, კულტურისა და სპორტის სამინისტრო „საჯარო სკოლების მატერიალური ბაზის გაუმჯობესების“ ქვეპროგრამის ფარგლებში
ახორციელებს საჯარო სკოლების ბიბლიოთეკების შევსებას ქართველი და მსოფლიო კლასიკოსების, საბავშვო, საყმაწვილო, შემეცნებითი ხასიათისა და სხვა სახის ლიტერატურით.
2021 წელს აჭარის ადმინისტრაციულ ტერიტორიაზე არსებულ 15 საჯარო სკოლის ბიბლიოთეკაში შეტანილი იქნა 500 დასახელების 12 000 წიგნი.
აღნიშნული ქვეპროგრამის ფარგლებში ბოლო წლებში150 საჯარო სკოლის ბიბლიოთეკა განახლდა წიგნადი ფონდით.