26, აპრილი 2021 17:32:00
„ალტერნატივას“ აქტივისტი, ბათუმის საქალაქო სასამართლომ სამართალდამრღვევად მიიჩნია. მოსამართლე, ალექსანდრე გოგუაძემ მზია ქედელიძეს 500 ლარიანი სანქცია გაუბათილა და მხოლოდ სიტყვიერი შენიშვნა მისცა. იგი, 14 მარტს, ბათუმის ბულვარის დასაცავად, აჭარის მთავრობის შენობის წინ გამართულ საპროტესტო აქციაზე, ასფალტზე გაკეთებული წარწერისთვის, „არ დავთმობთ ბულვარს“ დააჯარიმეს. პოლიციამ, მაშინ ქედელიძეს 500 ლარიანი ჯარიმა დააკისრა, რაც აქტივისტმა გაასაჩივრა. თქვა, რომ არ იცოდა, მსგავსი ქმედება სამართალდარღვევად თუ მიიჩნეოდა.