28, აპრილი 2021 18:19:00
ქონების გადამალვის ფაქტებზე, სამი კომპანიის ხელმძღვანელის მიმართ სისხლისსამართლებრივი დევნა დაიწყო. გამოძიებით დადგინდა, რომ ბრალდებულებმა, გადასახადების ვალდებულებისგან თავის არიდების მიზნით, ახალი საწარმოები ოჯახის წევრებსა და ახლო ნათესავებზე ფიქტიურად დაარეგისტრირეს. რის გამოც, საგადასახადო ორგანოები ბიუჯეტის სასარგებლოდ დარიცხული გადასახადებისა და ჯარიმების იძულების წესით ამოღებას ვეღარ ახდენდნენ. დანაშაული სასჯელის სახით 9 წლამდე ვადით თავისუფლების აღკვეთას ითვალისწინებს.