05, მაისი 2021 18:47:00
მძღოლები საერთაშორისი გადაზიდვებზე ნებართვის მიღების პროცედურების გამარტივებას ითხოვენ. თვითდასაქმებულებმა საკითხთან დაკავშირებით, დღეს, სახმელეთო ტრანსპორტის სააგენტოსთან აქცია გამართეს. ისინი, პასუხისმგებელ პირებს თავიანთი პრობლემებით დაინტერესებისკენ მოუწოდებენ. აქციის მონაწილეების თქმით, ნებართვის არ ქონის გამო, პროდუქციით დატვირთული, მანქანები საზღვრებთან ჰყავთ გაჩერებული. მათივე ცნობით, ნებართვის არ ქონის გამო, ყაზახეთში საქართველოს რამდენიმე მოქალაქე დააკავეს და 4 ათასი დოლარით დააჯარიმეს. მძღოლები ხელისუფლებას საკითხის მოგვარებას სთხოვენ. ცნობისთვის, ყაზახეთში გადაზიდვის ნებართვის აუცილებლობა, მაისიდან ამოქმედდა.