მოზარდებზე მუქარა ბათუმის ცენტრალურ ნაწილში. ახალგაზრდები პოლიციელებს მუქარასა და ძალადობაში ადანაშაულებენ. ყვებიან, რომ სამართალდამცავები ცეცხლსასროლი იარაღითა და თავისუფლების უკანონო აღკვეთით აშინებდნენ. ფაქტი, გუშინ გვიან ღამით მოხდა. გომელაურის უწყება ამ დრომდე დუმს. შემთხვევას სახალხო დამცველის აპარატი იკვლევს.
ასე 13 წლის ბიჭი პოლიციელის მხრიდან, გუშინ ბათუმში მომხდარ მუქარას აღწერს. ამბობს, რომ კომენდანტის საათის დროს, 5 მეგობართან ერთად ინასარიძის ქუჩის მიმართულებით გადაადგილდებოდა, რა დროსაც მოზარდები საპატრულო ეკიპაჟმა გააჩერა. ჰყვება, რომ სამართალდამცავებმა ისინი მეგობრის სახლამდე მიაცილა.
მოზარდი ჰყვება, რომ ახალგაზრდები გარეთ, კომენდანტის საათის მოქმედების დასრულების შემდეგ, დაახლოებით დილის 6-ის ნახევარზე გამოვიდნენ. ქუჩაში ისევ იგივე საპატრულო ეკიპაჟი შეხვდა. იხსენებენ, რომ აგრესიული სამართალდამცავი მათ აგინებდა და ემუქრებოდა.
3 ახალგაზრდა გომელაურის უწყების თანამშრომლებს მძიმე დანაშაულში, ძალადობაში ადანაშაულებენ. შემთხვევა ბათუმის ცენტრალურ ნაწილში მოხდა. მოზარდები ამტკიცებენ, რომ შურაცხყოფისა და მუქარის შემდეგ, მეორე განყოფილების თანამშრომლებმა ისინი კუთვნილი ავტომობილით, აეროპორტის მიმდებარე ტერიტორიაზე დატოვა.
არასრულწლოვნები ვარაუდობენ, რომ პოლიციელების აგრესია მათ მეგობარსა და სამართალდამცველს შორის წარსულში მომხდარ უსიამოვნო ფაქტს უკავშირდება. მოზარდები ამბობენ, რომ გაღიაზიანებული სამართალდამცველები მათ ფოტოებსა და ვიდეოებს უღებდნენ.
ფაქტს ჰყავს თვითმხილდელ. გოჩა სურგულაძე ამბობს, რომ ბავშვები ახალი ბულვარის ტერიტორიაზე შენიშნა და დახმარება აღმოუჩინა.
მოზარდები ფაქტის გასაჩივრებას არ გეგმავენ. მიიჩნევენ, რომ შედეგს ვერ მიაღწევენ. საქმეზე მოკვლევა სახალხო დამცველმა უკვე დაიწყო. შინაგან საქმეთა სამინიტროში კომენტარი არ გაკეთდა. გომელაურის უწყება ამ დრომდე დუმს.
55
s
s
s