25, მაისი 2021 17:05:00
ბათუმის საქალაქო სასამართლომ, ნათია კაპანაძის საქმის განხილვა დაიწყო. დღევანდელ პროცესზე მოსამართლემ, მოსარჩელე მხარის შუამდგომლობებზე იმსჯელა. დაცვის მხარემ, მოსამართლეს, მოწმეების სახით იმ პირების დაბარება სთხოვა, რომლებიც კაპანაძის გათავისუფლებას ეწინააღდეგებოდნენ. ესენი არიან: მრჩეველთა საბჭოს ყოფილი ხელმძღვანელი, ნატა იმედაიშვილი და წევრი, ბეჟან გობაძე. მაუწყებლის ინტერესების დამცველი, თამარ კეკელაშვილი, ირწმუნებოდა, რომ მრჩეველთა საბჭოს ყოფილი წევრებს არ აქვთ ვალდებულება თავის დროზე მიღებულ გადაწყვეტილებებზე განმარტებები დღეს გააკეთონ. ამ პოზიციის მიუხედავად, მოსამართლემ შუამდგომლობები მაინც დააკმაყოფილა. ცნობისთვის, ნათია კაპანაძე სასამართლო სარჩელით პოზიციაზე აღდგენასა და განაცდურის ანაზღაურებას ითხოვს.