27, მაისი 2021 16:58:00
საქართველოს მოსახლეობამ, ძირითადი კატეგორიებიდან, განათლებაზე ყველაზე ნაკლები თანხა დახარჯა. მონაცემებს, 2020 წლის ცხოვრების დონის მაჩვენებლების მიხედვით, საქსტატი აქვეყნებს. შედარებისთვის, სამომხმარებლო ფულადი ხარჯების პროცენტული განაწილების მიხედვით, გასულ წელს მოქალაქეებმა ტანსაცმელსა და ფეხსაცმელზე, თითქმის, 2-ჯერ, ტრანსპორტზე კი 5-ჯერ მეტი თანხა დახარჯა. ხარჯების ყველაზე დიდი წილი სურსათზე, სასმელსა და თამბაქოზე მოდის. საკითხის კომენტირებისას აჭარის განათლების მინისტრმა განაცხადა, რომ განათლების სამინისტროს ცენტრალურ და ადგილობრივ დონეზეც არაერთი ინვესტიცია აქვს გაკეთებული. მაია ხაჯიშვილის შეფასებით, სწორედ ამიტომ, მოქალაქეებს განათლებაში ნაკლები დანახარჯი უწევთ.