28, მაისი 2021 18:02:00
„დიპლომატიის როლი და მნიშვნელობა აფხაზეთისა და სამხრეთ ოსეთის პრობლემის გადაწყვეტის საკითხებში“- ამ სახელწოდებით ბათუმში სამეცნიერო კონფერენცია გაიმართა. შეხვედრაზე მთავარი აქცენტი კონფლიქტის გადაჭრაში დიალოგის როლზე გამახვილდა. მოხსენებები ბათუმში მცხოვრებმა აფხაზეთის და აჭარის ავტონომიური რესპუბლიკების ხელისუფლების წარმომადგენლებმა წარადგინეს. კონფერენციების ციკლი 12 მაისს დაიწყო და ქვეყნის მასშტაბით სხვადასხვა უნივერსიტეტში ჩატარდა.