04, ივნისი 2021 12:19:00
ქუთაისის მეტალურგიულ ქარხანაში უბედურ შემთხვევას კაცი ემსხვერპლა. შემთხვევა ცოტა ხნის წინ მოხდა.
როგორც ადგილზე მყოფები აცხადებენ, კაცს, სავარაუდოდ, ამწემ გადაუარა და ადგილზე გარდაიცვალა.
შინაგან საქმეთა სამინისტროს ცნობით, უწყებამ გამოძიება სსკ-ის 240-ე მუხლის მეორე ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.