23, ივნისი 2021 11:27:00
თბილისის სააპელაციო სასამართლომ ბათუმი რივიერას საქმეზე საჩივარი ნაწილობრივ დააკმაყოფილა - მან პირველი ინსტანციის განჩინება გააუქმა და საკითხი საქალაქო სასამართლოს ხელახლა განსახილველად დაუბრუნა. საიამ საჩივარი 22 იანვარს შეიტანა სასამართლოში. მაშინ პირველმა ინსტანციამ არ დააკმაყოფილა შუამდგომლობა, დავის საბოლოო გადაწყვეტამდე, მშენებლობის ნებართვის მოქმედების შეჩერებაზე. სააპელაციო სასამართლოს გადაწყვეტილება საიას 22 ივნისს ჩაბარდა.
საიას ცნობით, სააპელაციო სასამართლოს განმარტებით, განჩინებაში არ არის შეჩერებაზე უარის თქმისთვის აუცილებელი კონკრეტული და დამაჯერებელი მოტივები მითითებული, ამასთან, შეფასების გარეშეა დატოვებული მოსარჩელეთა მიერ წარდგენილი მტკიცებულებები და მხოლოდ ნორმის აბსტრაქტული ანალიზია შემოთავაზებული.
ბათუმი რივიერას მშენებლობის ნებართვა საქართველოს ეკონომიკის სამინისტრომ 2019 წელს გასცა. ხუთი ცათამბჯენის მშენებლობას კომპანია სილქ როუდ ჯგუფის შვილობილი შპს რივიერა ბათუმი გეგმავს.