24, ივნისი 2021 17:10:00
პანდემიის დროს, რეგულაციების დარღვევის გამო, დაჯარიმებულებს ამნისტია შეეხებათ. ამის შესასხებ, საქართველოს პრემიერ-მინისტრმა განაცხადა. ირაკლი ღარიბაშვილის თქმით, გადაწყვეტილება, მთავრობამ, პანდემიის დროს დამძიმებული სოციალურ-ეკონომიკური მდგომარეობის გამო მიიღო. იზოლაციის, კარანტინის და პირბადის ტარების წესის დარღვევის გამო დაკისრებულ, დაახლოებით, 76 მილიონ ლარს 245 ათასი მოქალაქე და 344 იურიდიულ პირი აღარ გადაიხდის. შესაბამისი კანონპროექტი პარლამენტს, დღეს, წარედგინა.