24, ივნისი 2021 17:27:00
ბათუმში, გოგოლის ქუჩაზე სარეაბილიტაციო სამუშაოები გრძელდება. ბათუმის მერიის ინფორმაციით, ამ ეტაპზე ასფალტის საფარის პირველი ფენის დაგება მიმდინარეობს. მათივე ცნობით, უკვე დასრულდა სანიაღვრე სისტემის, საკომუნიკაციო ჭებისა და ბორდიურების მოწყობა. დაგეგმილია განათების სისტემისა და დეკორატიული ფილების მონტაჟი. პარალელურად, მიმდინარეობს გოგოლის ქუჩაზე არსებული ხიდისა და ე.წ. ბარცხანის ხიდის რეაბილიტაცია.