24, ივნისი 2021 17:33:00
ბათუმის თემატური ტურების სახელმძღვანელო, დამუშავების პროცესშია. შეხვედრაზე, რომელიც აჭარის ტურიზმის დეპარტამენტში გაიმართა, პროექტში ჩართულმა გიდებმა მათ მიერ შემუშავებული ქალაქის ტურების პირველადი ვარიანტები წარადგინეს. ისინი ბათუმის 12 პრაქტიკულ ტურს ამუშავებენ, რომელშიც ქალაქის ისტორიული, კულტურული, ეთნოგრაფიული ღირსშესანიშნაობები, აქტივობები და ტრადიციები აისახება. ბათუმის ტურების პრაქტიკული სახელმძღვანელოს შემუშავების პროცესში 15-მდე პრაქტიკოსი გიდი და დარგის სპეციალისტია ჩართული.