30, ივნისი 2021 17:51:00
კომენდანტის საათი უქმდება. მოქალაქეები, დღეს, ღამის 12 საათის შემდეგ, გადაადგილებას შეზღუდვის გარეშე შეძლებენ. ნებადართულია როგორც ფეხით, ისე სატრანსპორტო საშუალებით მოძრაობა. გადაწყვეტილება რამდენიმე დღის წინ, უწყებათა შორისმა საკოორდინაციო საბჭომ მიიღო. აკრძალვად რჩება კვების ობიექტების მუშაობა 24 საათიდან. ანუ, სარესტორნო ბიზნესისთვის სამუშაო პროცესი ერთი საათით გახანგრძლივდება. შეგახსენებთ, ''კომენდანტის საათი'' მთელი ქვეყნის მასშტაბით, 2020 წლის 28 ნოემბრიდან მოქმედებს. გაადგილება როგორც ფეხით, ისე სატრანსპორტო საშუალებით, 21-დან 5 საათამდე იკრძალებოდა. პირველი ივნისიდან კი, შეზღუდვის პერიოდი შემცირდა და 23 საათიდან დილის ოთხ საათამდე მოქმედებდა.