30, ივნისი 2021 18:09:00
მთლიანი შიდა პროდუქტის ზრდამ, მიმდინარე წლის მაისში 25.8 პროცენტი შეადგინა. სტატისტიკის ეროვნული სამსახურის ცნობით, წინა წლის შესაბამის პერიოდთან შედარებით ზრდის ტენდენცია გამოვლინდა თითქმის ყველა სექტორში. როგორც „საქსტატში“ აღნიშნავენ, ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამამუშავებელი მრეწველობა, საფინანსო და სადაზღვევო საქმიანობა, ვაჭრობა, უძრავ ქონებასთან დაკავშირებული საქმიანობა, სასტუმროები, რესტორნები, მშენებლობა, ტრანსპორტი და დასაწყობება.