30, ივნისი 2021 18:24:00
აჭარა ესტონეთის საზოგადოებრივი მაუწყებელის ობიექტივში. გადაცემა“Travel Show” რეგიონის ტურისტული პროდუქტების შესახებ 42 წუთიან გადაცემას ამზადებს. გადამღები ჯგუფის ინტერესში ბათუმის საზღვაო ტურისტული პროდუქტები, ბოტანიკური ბაღი, გონიოს ციხე, ქედის ტურისტული ღირსშესანიშნაობები და ადგილობრივი სამზარეულო მოექცა. აჭარის ტურიზმის დეპარტამენტის ინფორმაციით, “Travel Show”-ს ესტონეთის საზოგადოებრივ მაუწყებელზე ერთ-ერთი ყველაზე რეიტინგული გადაცემაა, რომელიც მაყურებელს ახალი ტურისტული მიმართულებებისა და ადგილების აღმოჩენაში ეხმარება. ცნობისთვის, აგვისტოში, ესტონეთიდან, ჩარტერული რეისები ბათუმის მიმართულებით, ისევ, განახლდება.