30, ივნისი 2021 18:27:00
აჭარის მთავრობის თავმჯდომარე საქართველოში ბრიტანეთის ელჩს და გაერთიანებული სამეფოს საზღვაო ძალების ხომალდის მეთაურს შეხვდა. თორნიკე რიჟვაძემ , ბრიტანულ მხარეს საქართველოს სუვერენიტეტისა და ევროატლანტიკურ სტრუქტურებში ინტეგრაციის გზაზე გამოხატული ურყევი მხარდაჭერისთვის მადლობა გადაუხადა. აჭარის მთავრობის ინფორმაციით, მხარეებმა ისტორიული კავშირების კიდევ უფრო გაღრმავებაზეც ისაუბრეს, რომელშიც, ბათუმს როგორც საპორტო ქალაქს მნიშვნელოვანი როლი აქვს.