02, ივლისი 2021 17:39:00
დიდი ოდენობით უაქციზო საქონლის შენახვა-რეალიზაციის ფაქტზე ერთი პირი დააკავეს. საგამოძიებო სამსახურის თანამშრომლებმა სარეალიზაციოდ განკუთვნილი 367 ცალი, ნიკოტინის შემცველი, უაქციზო ელექტრო სიგარეტი ამოიღეს. საქონლის ჯამური საბაზრო ღირებულება 7 ათას 340 ლარს შეადგენს. გამოძიება საქართველოს სისხლის სამართლის კოდექსის მე-200 მუხლის მე-2 ნაწილით მიმდინარეობს, რაც სასჯელის სახით 6 წლამდე ვადით თავისუფლების აღკვეთას ითვალისწინებს.