08, ივლისი 2021 17:05:00
"თბილისი პრაიდის" ოფისის დაზიანების ფაქტზე 3 პირი დააკავეს, ჟურნალისტებზე ძალადობის ფაქტზე კი, კიდევ 5 პირი. გამოძიება სისხლის სამართლის კოდექსის 154-ე მუხლის მე -2, 156-ის მე -2 ნაწილის "ა" და 225-ე მუხლის მე-2 ნაწილით მიმდინარეობს. დანაშაული 2-დან 6 წლამდე ვადით თავისუფლების აღკვეთას ითვალისწინებს. შსს-ს ცნობით, დანაშაულში მონაწილე სხვა მოძალადე პირთა დადგენის და დაკავების მიზნით, საგამოძიებო ღონისძიებები გრძელდება. ამ დროისთვის, ჟურნალისტებზე თავდასხმის, დევნის, ჯგუფური ძალადობის, მუქარის და ხელშეუხებლობის ჯგუფურად დარღვევის ფაქტებზე სულ 15 პირია დაკავებული.