ქვეყანაში საყოველთაო ვაქცინაციის პროცესი დაიწყო. რამდენიმე დღის წინ საქართველოში მილიონი დოზა სინოფარმის პრეპარატი შემოიტანეს. მოქალაქეებს იმუნიზაციის პროცესში ჩართვა უკვე წინასწარი რეგისტრაციის გარეშეც შეუძლიათ. ჯანდაცვის სისტემა სამომავლოდ დოზების გაზრდაზეც ფიქრობს, როგორია ამ დროისთვის მოქალაქეთა აქტივობა და დაძლევს თუ არა საყოველთაო ვაქცინაციის სტარტი მძიმე ეკონომიკურ კრიზისს?
მოსახლეობას სინოფარმის პრეპარატით აცრა წინასწარი დაჯავშნის გარეშე შეუძლია. ამ ეტაპზე რეგიონში 26 ათას 400 სინოფარმის დოზაა შემოტანილი. დღეისათვის ვაქცინა რეგიონის 12 დაწესებულებაშია მობილიზებული. პერიოდულად იმუნიზაციის სპორცესში ჯამში 24 დაწესებულება და 52 ბრიგადა ჩაერთვება. მოქალაქეები ამბობენ, რომ კოვიდ საწინააღმდეგო აცრა აუცილებელია. მათი მოლოდინით, თუ კი აცრის მეტი მსურველი იქნება, სამომავლოდ შეზღუდვები აღარ დაწესდება.
მედიკოსებს საყოველთაო იმუნიზაცია, ეკონომიკის ამოძრავებისთვის ერთ-ერთ აუცილებელ პირობად მიჩანიათ. ამბობენ, რომ ტურისტული სეზონი ვირუსის გავრცელების რისკებთანაა დაკავშირებული. ნინო გუგუშვილის თქმით, თუ კი რეკომენდაციები გათვალისიწინებული იქნება და ვაქცინაციის პორცესი სწრაფი ტემპით გაგრძელდება, შემოდგომისთვის დაანანსებულ მეოთხე ტალღას თავიდან ავირიდებთ და შედეგად ეკონომიკაც აღარ გაჩერდება.
თუ ადამიანებმა აცრის აუცილებლობა და უპირატესობა საყოველთაო ვაქცინაციის პირობებშიც ვერ გაიაზრეს, საიმედოს ვერაფერს პროგნოზირებენ ეკონომისტები. სპეციალისტებს მნიშვნელოვნად მიაჩნიათ, სახელმწიფოს მხრიდან აქტიური პროპაგანდის წარმოება, იმ პრეპარატების მიმართ რაც ქვეყანაშია ხელმისაწვდომი.
რამდენიმე დღის წინ ქვეყანაში 1 მილიონი სინოფარმის ვაქცინის დოზა შემოვიდა. საყოველთაო ვაქცინაცია კი დღეს დაიწყო. იმუნიზაციის პოცესში ჩართვა, 18 წლის ასაკის ზემოთ, ყველა მსურველს შეუძლია.
2
s
s
s