პრორუსული, ძალადობრივი პლატფორმის, ალტ-ინფოს და ორგანიზაცია ქართული მისიის დამფუძნებლები დაკითხეს. განყოფილების დატოვების შემდეგ ძალადობრივი ჯგუფის ლიდერები კვლავ მუქარის შემცველი ტექსტებით გამოირჩეოდნენ. პლატფორმის დამფუძნებელმა, კონსტანტინე მორგოშიამ მედიის წარმომადგენლებზე ძალადობაში ისევ ჟურნალისტები დაადანაშაულა. ცნობისთვის, პლატფორმიდან ქსენოფობიური, ჰომოფობიური, დისკრიმინაციული და სიძულვილის ენის შემცველი გზავნილები ვრცელდება. 5 ივლისის ღირსების მარშის ჩაშლისთვის, ლიდერები ხალხს ქუჩაში გამოსვლისკენ მოუწოდებდნენ. ისინი შეიჭრნენ შენობაში, სადაც მოძრაობა სირცხვილიას ოფისი მდებარეობს და დაარბიეს ორგანიზაცია თბილისი პრაიდის ოფისიც. სწორედ აქ დაესხნენ თავს TV პირველის ოპერატორს, ლექსო ლაშქარავასა და ჟურნალისტს, მირანდა ბაღათურიას.
1
s
s
s