23, ივლისი 2021 13:05:00
საზამთროს გამაგრილებელი, შუშხუნა სასმლის მომზადება ძალიან მარტივია. ხილისა და შამპანურის გარდა, შეგიძლიათ ლიმონიც გამოიყენოთ.
საჭირო ინგრედიენტები:
საზამთრო - 1 ცალი, ცივი, მოზრდილი
ნესვი - 1 ცალი, ცივი, პატარა
ატამი - 2 ცალი, ცივი
შამპანიური - ან სხვა ცქრიალა ღვინო, 2 ბოთლი
ბრენდი - 100 მლ
ყინულის ნატეხები.
მომზადების წესი:
საზამთროს მოვაჭრათ ზედა ნაწილი ისე, რომ ქვაბის ფორმა მიიღოს, ამოვიღოთ რბილობი, ნახევარი დავჭყლიტოთ და წვენი გამოვწუროთ. საზამთროში ჩავაწყოთ სასურველ ნაჭრებად დაჭრილი ნესვის, ატმისა და საზამთროს რბილობი, დავასხათ საზამთროს წვენი, შამპანური, ბრენდი და დავაყაროთ ყინულები. სასურველია, რომ საზამთრო რამდენიმე საათით მაცივარში მოვათავსოთ. ხილისა და სასმლის შეფარდება ჩვენს გემოვნებაზეა დამოკიდებული.
წყარო: gemrielia.ge