25, ივლისი 2021 19:50:00
პარტია „საქართველოსთვის“ აჭარაში რეგიონული ორგანიზაციების გახსნას განაგრძობს. ოფისები დღეს შუახევსა და ხულოში გაიხსნა.
პარტიის თავმჯდომარემ ხულოს და შუახევის ოფისები, აჭარის რეგიონული ორგანიზაციის ხელმძღვანელთან ირაკლი მიქელაძესთან და პარტიის წევრებთან: კონსტანტინე ანანიაშვილთან, ეკატერინე ვეფხვაძესთან და საბა ჯიქიძესთან ერთად გახსნა.
გიორგი გახარია მუნიციპალიტეტებში შეკრებილ მხარდამჭერებს შეხვდა და მათ პარტია „საქართველოსთვის“ პროგრამული ხედვები გააცნო.
პარტია „საქართველოსთვის“ ოფისები უკვე ფუნქციონირებს თბილისში, ბათუმში, ქობულეთში, ქუთაისში, გორში, ზუგდიდში, ფოთში, მარტვილში, მცხეთაში, დუშეთში თიანეთში, ხულოსა და შუახევში.