27, ივლისი 2021 10:28:00
საქართველოს ევროპის საბჭოს საპარლამენტო ასამბლეის პრეზიდენტი სტუმრობს. ვიზიტის ფარგლებში, რიკ დემსი, შეხვედრებს დღეიდან დაიწყებს. თავდაპირველად, იგი, აუდიენციას საკანონმდებლო ორგანოში გამართავს .
კერძოდ, რიკ დემსი ჯერ პარლამენტის თავმჯდომარეს შეხვდება, მოგვიანებით კი საპარლამენტო ოპოზიციის და უმრავლესობის წარმომადგენლებთან ისაუბრებს.
ევროპის საბჭოს საპარლამენტო ასამბლეის ვებ-გვერდზე გამოქვეყნებული ინფორმაციით, დაგეგმილია რიკ დემსის შეხვედრები საქართველოს პრემიერ-მინისტრთან, საგარეო საქმეთა, იუსტიციისა და შინაგან საქმეთა მინისტრებთანაც.
შეხვედრები გაიმართება ასევე ადამიანის უფლებათა დაცვისა და სამოქალაქო ინტეგრაციის კომიტეტისა და პარლამენტის გენდერული თანასწორობის მუდმივმოქმედი საბჭოს თავმჯდომარეებთან და ევროპის საპარლამენტო ასამბლეაში საქართველოს საპარლამენტო დელეგაციის წევრებთან.
რიკ დემსის საქართველოში ვიზიტი ორდღიანია და ის 28 ივლისს დასრულდება.