"მიზანმიმართული სანქციების დროა, რათა "ქართული ოცნების" წევრები მიხვდნენ, რომ უკვე საკმარისია", - ასე ეხმაურება აშშ-ის სახელმწიფო მდივნის ყოფილი თანაშემწე, დევიდ კრამერი მმართველი გუნდის მიერ შარლ მიშელის დოკუმენტის ანულირების გადაწყვეტილებას. კრამერის კომენტარს "ამერიკის ხმა" ავრცელებს.
მისი თქმით, მთელი პასუხისმგებლობა პრემიერ-მინისტრსა და "ქართულ ოცნებას" ეკისრება.
პრემიერი უნდა გადამდგარიყო, მაგრამ ამის ნაცვლად, ის რჩება და პოლიტიკურ სიტუაციას აუარესებს. პარალელურად საპარლამენტო კომისიამ, რომელიც გასული შემოდგომის არჩევნებს იძიებს, დაასკვნა, რომ ყველაფერი კარგადაა. ძალაუფლებაში მყოფმა მთავრობამ, რომელმაც კოალიციის გარეშე მიიღო საკმარისი ხმები, თავადვე გამოიძია არჩევნების საქმე და დაადგინა, რომ მთავრობაში მყოფმა ძალამ სამართლიანად მოიგო. "ქართული ოცნება" არსებულ სიტუაციას დასცინის. წარსულში, შეიძლებოდა, რომ კრიზისის არსებობაში ბრალის ნაწილი ოპოზიციაზეც გაგვენაწილებინა და გვეთქვა, რომ ისინი პარლამენტში უნდა შესულიყვნენ. თუმცა, ახლა, მთელი პასუხისმგებლობა ეკისრება პრემიერს, "ქართულ ოცნებას" და ბატონ ივანიშვილს", - ამბობს კრამერი.
22
s
s
s