30, ივლისი 2021 17:44:00
2021 წლის ივნისში, წინა წლის შესაბამის პერიოდთან შედარებით, რეალური მთლიანი შიდა პროდუქტი 18.7 პროცენტით გაიზარდა - წინასწარ შეფასებას სტატისტიკის ეროვნული სამსახური ავრცელებს. საქსტატის ცნობით, მიმდინარე წლის პირველი 6 თვის საშუალო მაჩვენებელი 12.7 პროცენტს გაუტოლდა. ზრდა შეინიშნებოდა შემდეგ დარგებში: დამამუშავებელი მრეწველობა, საფინანსო და სადაზღვევო საქმიანობა, ტრანსპორტი და დასაწყობება, ვაჭრობა, სასტუმროები და რესტორნები, უძრავ ქონებასთან დაკავშირებული საქმიანობა, მშენებლობა. კლების ტენდენცია კი დაფიქსირდა სამთო მოპოვებითი მრეწველობის დარგში.