02, აგვისტო 2021 12:09:00
„სტრატეგია აღმაშენებელმა“ საქართველოს პრეზიდენტთან დღეს დანიშნულ შეხვედრაზე, რომელიც 19 აპრილის შეთანხმების ანულირების საკითხს შეეხება, უარი განაცხადა.
როგორც პოლიტიკური პარტიის მიერ გავრცელებულ განცხადებაში წერია, პარტია სალომე ზურაბიშვილისგან „ქართული ოცნების“ მიერ მიღებულ გადაწყვეტილებაზე კრიტიკულ შეფასებას ელის და მხოლოდ ამის შემდეგ განიხილავს პრეზიდენტთან შეხვედრის შესაძლებლობას.
„ვთვლით, რომ “ქართული ოცნების” სურვილი უპასუხისმგებლოდ თავი აარიდოს ამერიკის შეერთებული შტატებისა და ევროკავშირის პიდაპირი მედიაციით შექნილი დოკუმენტის პირობების შესრულებას, არის დემოკრატიის და ჩვენი ეროვნული ინტერესის საწინააღმდეგო ქმედება, რისი საშუალებაც მას არ უნდა მივცეთ. ველოდებით პრეზიდენტისგან ამ საკითხზე კრიტიკულ შეფასებებს, მხოლოდ ამის შემდეგ განვიხილავთ მასთან შეხვედრის შესაძლებლობას“, - წერია პარტიის განცხადებაში.
შეგახსენებთ, რომ ამ წუთებში საქართველოს პრეზიდენტი უმრავლესობის და ასევე, ოპოზიციის წარმომადგენლებს ხვდება.