02, აგვისტო 2021 16:41:00
ბათუმის სახელმწიფო საზღვაო აკადემიამ ფოთში პირველი სტუდენტების რეგისტრაცია დაიწყო.თანამედროვე სტანდარტების შესაბამის სასწავლო ბაზაზე პროფესიული განათლების მიღების მსურველებს შესაძლებლობა აქვთ, აირჩიონ და დაეუფლონ საზღვაო მიმართულების შემდეგ პროფესიულ პროგრამებს:
- ამწის ოპერირების პროგრამები
- გემის საგემბანე განყოფილების ექსპლუატაცია
- გემის სამანქანე განყოფილების ექსპლუატაცია
- თევზსაჭერი გემის ნავიგაცია
- პორტების ლოგისტიკის მენეჯმენტი
- საბაჟო საქმე
- სატვირთო გადაზიდვების ლოგისტიკის ოპერირება
- შედუღების პროგრამები
2021 წელს საზღვაო აკადემია ფოთში თანამედროვე სტანდარტებით აღჭურვილ სასწავლო სივრცეებში, ლაბორატორიებსა და სახელოსნოებში პირველ 300 სტუდენტს მიიღებს.
შეგახსენებთ, რომ პროფესიულ საგანმანათლებლო პროგრამებზე აპლიკანტთა რეგისტრაცია 12 ივლისს დაიწყო და 20 აგვისტოს დასრულდება. რეგისტრაციისთვის ეწვიეთ ვებგვერდს: www.vet.emis.ge