02, აგვისტო 2021 19:52:00
ცენტრალურ საარჩევნო კომისიას, მომდევნო 6 თვის განმავლობაში, გიორგი კალანდარიშვილი უხელმძღვანელებს. ეს იმას ნიშნავს, რომ მიმდინარე წლის თვითმმართველობის არჩევნებზე, ცესკოს თავმჯდომარე კალანდარიშვილი იქნება. უკვე მეოთხე მცდელობის შემდეგ, დასახელებულ კანდიდატურას მხარი პარლამენტის 83-მა დეპუტატმა დაუჭირა. 5 წლიანი ვადით, ცესკოს თავმჯდომარის თანამდებობაზე დასანიშნად მან საჭირო ხმები ვერ მოაგროვა. კალანდარიშვილს მხარს არასამთავრობო სექტორი და ოპოზიცია არ უჭერდა. NGO-ების შეფასებით, მას საზოგადოების ნდობა არ ექნება. შეგახსნეებთ, ცესკოს თავმჯდომარის პოსტი ვაკანტური მას შემდეგ გახდა, რაც 30 ივნისს, თამარ ჟვანიამ თანამდებობა დატოვა.